ჩარლი პენდლტენი Silent Hill: Downpour-ის პერსონაჟია. იგი მარფი პენდლტენის შვილი იყო, რომელიც თამაშის მოვლენებამდე მოკლეს.
Silent Hill: Downpour[]
წმ. მარიას მონასტერში მოხეტიალე მარფი პატარა ბიჭს შეხვდება, რომელიც მანქანით თამაშობს. მარფი მას გამოელაპარაკება და ლექსის მოსაძებნად გაემართება, დაბრუნებული კი დაინახავს, თუ როგორ მიეპარება ბიჭს ბუგიმენი და მოკლავს. მარფი მის დახმარებას ვერ შეძლებს და ამოიოხრებს „ჩარლი, ვწუხვარ, ძალიან ვწუხვარ“. მას მოაგონდება, თუ როგორ ამოიყვანეს მისი შვილის ცხედარი ტბიდან. უეცრად მას თავზე პატარა გოგონა წაადგება და ბიჭის მკვლელობაში დაადანაშაულებს. მარფი თავის მართლებას დაიწყებს, თუმცა გოგონა გაიქცევა.
მას შემდეგ, რაც მარფი ბუგიმენს მოკლავს, მას ჩარლი გამოეცხადება. იგი მარფის ეტყვის, რომ რაც მოხდა, მისი ბრალი არ იყო. მას შემდეგ, რაც მარფი მოკლულ ბუგიმენს მასზე შურისძიების გამო პატიებას სთხოვს, ჩარლი და ბუგიმენის ცხედარი გაუჩინარდებიან ნიშნად იმისა, რომ მათ თავიანთი მისია შეასრულეს.